Kanvondaǵy jasóspirimder Olımpıadasy ótetin nysandardy qar basyp qaldy
ASTANA. KAZINFORM - Senbi kúni Ońtústik Koreıada 2024 jyly jasóspirimderdiń qysqy Olımpıadasy ótetin provıntsııanyń biraz bóligine qalyń qar jaýdy. Kanvondo provıntsııasynyń ákimshiligi qolaısyz kún raıyna baılanysty tótenshe jaǵdaı rejımi engizilgenin habarlady, dep jazdy Yonhap aqparat agenttigi.
Koreıa meteorologııalyq basqarmasynyń málimetinshe, 20 qańtar kúni jergilikti ýaqyt boıynsha saǵat 21:00-degi jaǵdaıǵa sáıkes, Kanvondo provıntsııasynyń Kannyn qalasynda shamamen 41,6 sm qar jaýdy.
Provıntsııanyń taýly aımaqtarynda qalyń qar týraly eskertý kúshinde, óıtkeni jeksenbige deıin qar odan da kóp jaýady, dep habarlady Yonhap.
Jergilikti bılik senbi kúni habarlaǵandaı, qardy tazalaýǵa 5 myńnan astam adam jáne 700-ge jýyq arnaıy tehnıka jumyldyrylǵan. Senbi kúni jaýǵan qalyń qar Ońtústik Koreıanyń Kanvondo provıntsııasynda 2024 jyly ótetin jasóspirimder arasyndaǵy qysqy Olımpıada oıyndaryndaǵy birqatar sharany toqtatty.
Ońtústik Koreıadaǵy jasóspirimder arasyndaǵy IV qysqy Olımpıada oıyndary juma kúni bastalyp, 1 aqpanǵa deıin jalǵasady. Kanvon-2024 oıyndaryna 80-ge jýyq elden jınalǵan 1800 sportshy qatysady. Munda sporttyń 7 túrinen 15 baǵdarlama boıynsha 81 medal jıyntyǵy oınatylady.
