Kanvon Olımpıadasynyń jabylý saltanatynda Qazaqstan týyn kimder alyp shyǵady

ASTANA. KAZINFORM – Búgin Ońtústik Koreıanyń Kanvon qalasynda ótken IV qysqy jasóspirimder olımpıadasynyń saltanatty jabylý rásimi ótedi. 

Saltanatty sharada Qazaqstan týyn Berik Boranbaev pen Mereı Tastemir alpy shyǵady. Bul týraly KAZINFORM tilshisi Kanvonǵa sportshylardy bastap alyp ketken Týrızm jáne sport mınıstriniń keńesshisi Dıas Ahmetshárip málim etti.

Esterińizge sala ketsek, Olımpıadanyń ashylý saltanatynda Qazaqstan týyn konkımen júgirýden ulttyq quramanyń múshesi Krıstına Shýmekova men short-trekshi Erasyl Shyńǵyshan alyp shyqqan bolatyn. 

Kanvon Olımpıadasynda qazaqstandyq sportshylar 1 altyn, 2 qola medal jeńip alyp, jalpy komandalyq esepte 20-orynǵa ıe boldy.

Olımpıada oıyndarynda Qazaqstan jasóspirimder quramasy sapynda 41 sportshy 5 sport túrinen baq synap, 55 júlde jıyntyǵyn sarapqa saldy. Atap aıtar bolsaq, bıatlon, kerlıng, konkımen júgirý, short-trek, shaıbaly hokkeı, shańǵy jarysy, shańǵymen tuǵyrdan sekirý, shańǵy qossaıysy, taý shańǵysy, frıstaıldan paralleldi mogýl boıynsha synǵa tústi.

Atalǵan jarysqa álemniń 80-ge jýyq elinen 1 800 sportshy qatysyp, júldeli oryndarǵa talasty. Jalpy sporttyq dodada 7 sport túrinen (15 dıstsıplına) 81 medal jıyntyǵy sarapqa salyndy.