Kanvon-2024: Olımpıadanyń sońǵy kúni jarys jolyna kimder shyǵady
KANVON. KAZINFORM – Erteń, ıaǵnı 1 aqpan kúni Ońtústik Koreıanyń Kanvon qalasynda ótip jatqan jasóspirimder Olımpıadasy máresine jetedi. Sońǵy jarys kúni qazaqstandyq sportshylar shańǵy jarysynan synǵa túsedi.
Atalǵan básekede el namysyn Berik Boranbaev, Aýbákir Totanov, Vıoletta Mıtropolskaıa men Mılana Mamedova kvarteti qorǵaıdy
Aralas komandalyq estafeta jarysy Astana ýaqytymen saǵat 08:00-de bastalady.
Qazir Qazaqstan delegatsııasy 1 altyn, 2 qola medalmen jalpy esepte 19-satyda tur. Elimizge alǵashqy altyndy Ilıa Mızernyh syılasa, Polına Omelchýk (short-trek) pen hokkeıden Ulttyq qurama qola medal jeńip aldy.
Aıta keteıik, Ońtústik Koreıadaǵy jasóspirimder Olımpıadasynda Qazaqstan namysyn sporttyń 5 túrinen 10 dıstsıplına boıynsha 41 sportshy qorǵap jatyr.
Kanvonda qysqy jasóspirimder Olımpıadasynyń alaýy 19 qańtar kúni tutanǵan bolatyn.
Jarys 1 aqpanda máresine jetedi.
