Kanvon-2024: Konkıshilerimiz qysqa qashyqtyqty baǵyndyra almady
ASTANA. KAZINFORM – Búgin Ońtústik Koreıanyń Kanvon qalasynda ótip jatqan IV qysqy jasóspirimder Olımpıadasynda konkımen júgirý jarysynan eki qazaqstandyq sportshy qatysty.
500 metr qashyqtyqta synǵa túsken Rýslan Janádilov — 38.26 sekýnd ýaqyt kórsetkishimen máre syzyǵyn 14-shi bolyp kesip ótse, taǵy bir otandasymyz Mıhaıl Matrıýhın — 39.56 sekýnd kórsetkishimen 18-shi orynǵa taban tiredi.
Jarys nátıjeleri:
500 metr. 31 qatysýshy
1-oryn (germanııa) Fınn Sonnekalb— 36.61 sekýnd
2-oryn (Norvegııa) Mıka Klevstýen — 36.79 sekýnd
3-oryn (Ońtústik Koreıa) Seonang Shın — 37.13 sekýnd
14 oryn (Qazaqstan) Rýslan Janádilov — 38.26 sekýnd
18 oryn (Qazaqstan) Mıhaıl Matrıýhın — 39.56 sekýnd
Kezekti júlde jıyntyǵy erteń 1 500 metrde sarapqa salynatyn bolady.
Esterińizge sala keteıik, keshe Olımpıadanyń ekinshi kúni short-trekten 1000 metr qashyqtyqta synǵa túsken sportshylarymyz arasynan Polına Omelchýk máre syzyǵyn úshinshi bolyp kesip ótip, Qazaqstan qorjynyna qola medal saldy.
