Kanvon-2024: Klassıkalyq shańǵydan 7,5 shaqyrymdyq jeke saıystar aıaqtaldy

KANVON. KAZINFORM – Ońtústik Koreıanyń Kanvon qalasynda ótip jatqan jasóspirimder Olımpıadasynda klassıkalyq shańǵy jarystarynan 7,5 shaqyrymdyq erler arasyndaǵy saıystar aıaqtaldy.

Atalǵan synda el namysyn Berik Boranbaev pen Áýbákir Totanov qorǵaǵan bolatyn. Alaıda ekeýi de júldeli oryndardan tys qaldy. Boranbaev máre syzyǵyn 21:39.9 ýaqyt kórsetkishimen 35-inshi bolyp kesip ótse, Totanov máre syzyǵyna 7,5 shaqyrymdy 21:59.7 ýaqyt kórsetkishimen 40-shy bolyp jetti.

Bul jarysta 79 qatysýshy synǵa tústi. 

1-oryn – Germanııa - Jakob Elıas Moch — 19:47.2

2-oryn – germanııa - Djonas Mýeller — 19:52.6

3-oryn – Frantsııa - Gýentın Lespın — 19:54.1

35-oryn – Qazaqstan - Berik Boranbaev — 21:39.9

40-oryn – Qazaqstan - Áýbákir Totanov — 21:59.7

Endi shańǵy jarysynan 1 aqpan kúni sheshýshi júlde jıyntyǵy 4×5 shaqyrym qashyqtyqta aralas estafeta ótedi. 

Esterińizge sala ketsek, Ońtústik Koreıadaǵy jasóspirimder Olımpıadasynda Qazaqstan namysyn sporttyń 5 túrinen 10 dıstsıplına boıynsha 41 sportshy qorǵap jatyr. Bıatlon, kerlıng, konkımen syrǵanaý, short-trek, shaıbaly hokkeı, shańǵy jarysy, shańǵymen tuǵyrdan sekirý, shańǵy qossaıysy, taý shańǵysy, frıstaıldan paralleldi mogýl boıynsha baq synaýda.

Eske salaıyq, Kanvonda qysqy jasóspirimder Olımpıadasynyń alaýy 19 qańtar kúni tutanǵan bolatyn. Jarys 1 aqpanda máresine jetedi. 

Buǵan deıin klassıkalyq shańǵydan qyzdar arasyndaǵy doda aıaqtalǵanyn jazǵan bolatynbyz.