Kanvon-2024: Kerlıngten Qazaqstan quramasy shırek fınalǵa shyǵa almady

KANVON. KAZINFORM – Búgin Ońtústik Koreıanyń Kanvon qalasynda ótip jatqan jasóspirimder Olımpıadasynda qazaqstandyq sportshylar kerlıngten aralas juptyq syndaǵy irikteý kezeńderiniń sońǵy synynda Danııadan jeńilip, shırek fınaldan tys qaldy. 

Atalǵan básekede Qazaqstan namysyn aǵaıyndy Ibragım men Mereı Tastemir qorǵaǵan bolatyn.

Jerlesterimiz qarsylastaryna 15:3 esebimen jol berdi.

Endi erteń Astana ýaqyty boıynsha 8:00-de shańǵy jarystarynan aralas estafetada quramamyz sońǵy Olımpıada júldesine talasady. 

Aıta keteıik, Ońtústik Koreıadaǵy jasóspirimder Olımpıadasynda Qazaqstan namysyn sporttyń 5 túrinen 10 dıstsıplına boıynsha 41 sportshy qorǵap jatyr.

Kanvonda qysqy jasóspirimder Olımpıadasynyń alaýy 19 qańtar kúni tutanǵan bolatyn.
Jarys 1 aqpanda máresine jetedi.