Kanvon-2024: Qazaqstandyq sportshy taý shańǵysynan alǵashqy ondyqqa ilikti

ASTANA. KAZINFORM – Búgin Ońtústik Koreıanyń Kanvon qalasynda ótip jatqan IV qysqy jasóspirimder Olımpıadasynda taý shańǵysynan qos jattyǵý qorytyndysy boıynsha qazaqstandyq sportshy Aleksandra Skorohodova 10-orynǵa ıe boldy.

Otandasymyz taý shańǵysynan qos jattyǵý qorytyndysy (sýper gıgant, slalom) boıynsha qyzdar básekesinde 56 sportshynyń ishinen alǵashqy ondyqqa ilikti.

Atalǵan dodada Avstrııa sportshysy Maııa Varoshıts (1:47.96 sekýnd) ýaqyt kórsetkishimen bas júldeni qanjyǵasyna baılasa, ekinshi oryndy ıtalııalyq atlet Djordjııa Kolom (1:48.36 sekýnd) jeńip aldy.

Al úzdik úshtikti germanııalyq Romı Ertl (1:48.82 sekýnd) ıelendi.

10-oryn ıelengen qazaqstandyq Aleksandra Skorohodova máre syzyǵyn 1:50.48 sekýnd ýaqyt kórsetkishimen basyp ótti.

Endi, erteń qyzdar gıganttyq slalom jattyǵýy boıynsha júldege talasady.