Kanvon-2024: Qazaqstandyq kerlıng sheberleri Germanııaǵa jol berdi

KANVON. KAZINFORM – Ońtústik Koreıanyń Kanvon qalasynda ótip jatqan IV qysqy jasóspirimder Olımpıadasynda búgin qazaqstandyq kerlıng sheberleri ekinshi oıynyn ótkizdi.

Kerlıngten aralas juptyq básekede alǵash ret qysqy jasóspirimder Olımpıadasyna qatysyp jatqan jerlesterimiz Mereı Tastemir men Ibragım Tastemir juby toptyq kezeńdegi ekinshi oıyndaryn germanııalyq qurdastaryna qarsy sheberlik baıqasty.

Ókinishke qaraı, otandastarymyz qarsylastaryna 4:8 esebimen jol berdi.

Endi erteń Astana ýaqyty boıynsha tańǵy 7:00-de quramamyz kóshbasshylardyń biri — Shveıtsarııamen kezdesedi.

Esterińizge sala keteıik, keshe alǵashqy oıynda Qazaqstan namysyn qorǵaǵan Mereı Tastemir men Ibragım Tastemir juby Aýstrııa quramasyndaǵy Emma Mıýller men Lýıs Haınhıchke 4:5 esebimen jeńilip qalǵan bolatyn.

Aıta keteıák, jasóspirimder olımpıadasyna álemniń 80-ge jýyq elinen 1 800-deı sportshy qatysyp jatyr.

7 sport túrinen (15 dıstsıplına) 81 medal jıyntyǵy sarapqa salynýda.