Kanvon-2024: Qazaqstan jalpy medaldar kestesinde joǵary kóterildi

ASTANA. KAZINFORM - Ońtústik Koreıanyń Kanvon qalasynda ótip jatqan jasóspirimder Olımpıadasynyń altynshy jarys kúninde Qazaqstan quramasy jalpy medaldar kestesinde 16- orynnan 15-orynǵa kóterildi.

Oǵan basty sebep, búgin Kanvon qalasynda (Ońtústik Koreıa) qazaqstandyq hokkeıshiler qola medal úshin talasta Aýstrııa quramasyn 6:5 esebimen jeńip, Olımpıadanyń qola júldesin jeńip alǵan bolatyn. 

Osy jeńisten keıin Qazaqstan quramasy jalpykomandalyq esepte bir saty joǵarlady.

Jalpy esepte Italııa áli kósh bastap keledi. Olardyń qorjynynda dál qazirgi ýaqytta 9 altyn, 2 kúmis, 3 qola medal bar. 

Ekinshi orynda kele jatqan Frantsııa quramasynyń enshisinde 6 altyn, 3 kúmis, 4 qola medal bolsa, úzdik úshtikti túıindep turǵan Germanııanyń qorjynynda 6 altyn, 3 kúmis, 3 qola medal bar.

Medaldar kestesindegi alǵashqy ondyqqa engen elder:

1. Italııa – 9 altyn, 2 kúmis, 3 qola (14)

2. Frantsııa – 6 altyn, 3 kúmis, 4 qola (12)

4. Qytaı – 5 altyn, 7 kúmis, 2 qola (14)

5. Avstrııa – 3 altyn, 6 kúmis, 5 qola (14)

6. Ońtústik Koreıa – 3 altyn, 4 kúmis, 4 qola (11)

7. Ulybrıtanııa – 3 altyn, 1 kúmis (4)

8. AQSh – 2 altyn, 4 kúmis (6)

9. Latvııa – 2 altyn 3 kúmis, 1 qola (6)

10. Shvetsııa – 2 altyn, 2 kúmis 3 qola (7).