Kanvon-2024: Qazaqstan jalpy medaldar kestesinde qaı orynda

ASTANA. KAZINFORM - Ońtústik Koreıanyń Kanvon qalasynda ótip jatqan jasóspirimder Olımpıadasynyń jetinshi jarys kúninde Qazaqstan quramasy jalpy medaldar kestesinde 15-orynyn saqtap qaldy.

Qazaqstannyń hokkeıshileri keshe el qorjynyna úshinshi medaldi salǵan bolatyn. Jerlesterimiz qola medal úshin matchta Aýstrııa quramasyn 6:5 esebimen jeńip, júldegerler qatarynan kórindi. 

Osy jeńisten keıin Qazaqstan quramasy jalpykomandalyq esepte bir saty joǵarlady. 

Jalpy esepte Italııa áli kósh bastap keledi. Olardyń qorjynynda qazirgi ýaqytta 9 altyn, 2 kúmis, 3 qola medal bar. Al ekinshi orynda turǵan frantsııalyqtardy Germanııa quramasy 3-orynǵa syrǵytty. Nemis sportshylary 7 altyn, 3 kúmis, 3 qola medalmen jalpy esepte ekinshi orynǵa kóterildi. Frantsııa quramasy 6 altyn, 3 kúmis, 4 qola medalmen úzdik úshtikti túıindep tur. 

Medaldar kestesindegi alǵashqy ondyqqa engen elder:

1. Italııa – 9 altyn, 2 kúmis, 3 qola (14)

2. Germanııa – 7 altyn, 3 kúmis, 3 qola (13)

3. Frantsııa – 6 altyn, 3 kúmis, 4 qola (13)

4. Qytaı – 5 altyn, 8 kúmis, 3 qola (16)

5. Avstrııa – 4 altyn, 6 kúmis, 5 qola (15)

6. Ońtústik Koreıa – 3 altyn, 5 kúmis, 4 qola (12)

7. AQSh – 3 altyn, 4 kúmis, 1 qola (8)

8. Nıderlandy – 3 altyn, 1 kúmis, 1 qola (5)

9. Ulybrıtanııa – 3 altyn 1 kúmis (4)

10. Shvetsııa – 2 altyn, 3 kúmis 3 qola (8).