Kanvon-2024: Qazaqstan jalpy medaldar kestesinde 16-orynǵa syrǵydy

ASTANA. KAZINFORM - Ońtústik Koreıanyń Kanvon qalasynda ótip jatqan jasóspirimder Olımpıadasynyń besinshi jarys kúninde Qazaqstan quramasy jalpy medaldar kestesinde 16- orynǵa syrǵydy.

Ázirge el quramasynyń qorjynynda 1 altyn, 1 qola medal bar. Al jalpy medaldar kestesinde Italııa quramasy eshkimge des berer emes. Olardyń qorjynynda dál qazirgi ýaqytta 9 altyn, 2 kúmis, 2 qola medal bar.

Ekinshi orynda kele jatqan Frantsııa quramasynyń enshisinde 6 altyn, 3 kúmis, 2 qola medal bolsa, úzdik úshtikti túıindep turǵan Germanııa quramasynyń qorjynynda 6 altyn, 2 kúmis, 3 qola medal bar.

Qazirge deıin Kanvon Olımpıadasynyń medaline 80 memleketten 30 el qol jetkizip úlgergen.

Medaldar kestesindegi alǵashqy ondyqqa engen elder:

1. Italııa – 9 altyn, 2 kúmis, 2 qola (13)

2. Frantsııa – 6 altyn, 2 kúmis, 3 qola (11)

3. Germanııa – 6 altyn, 3 kúmis, 2 qola (11)

4. Qytaı – 4 altyn, 7 kúmis, 1 qola (12)

5. Avstrııa – 2 altyn, 6 kúmis, 5 qola (13)

6. Ońtústik Koreıa – 2 altyn, 2 kúmis, 4 qola (8)

7. Shvetsııa – 2 altyn, 1 kúmis, 3 qola (6)

8. Slovenııa – 2 altyn, 1 kúmis (3)

9. Nıderlandy – 2 altyn (2)

10. AQSh – 1 altyn, 4 kúmis (5)

Esterińizge sala keteıik, Olımpıada oıyndarynyń alaýy 19 qańtar kúni tutandy. Kanvon provıntsııasynyń Kannyn qalasynda ótetin jyldyń basty jarysynda Qazaqstan jasóspirimder quramasy sapynda 41 sportshy 5 sport túrinen baq synap jatyr.

Kanvondaǵy qysqy jasóspirimder Olımpıadasy 1 aqpan kúni máresine jetedi. Atalǵan jarysqa álemniń 80-ge jýyq elinen 1 800 sportshy 7 sport túrinen (15 dıstsıplına) 81 medal jıyntyǵy sarapqa salýda.