Kanvon-2024: Qazaqstan shańǵyshylary Olımpıadany 16-orynmen aıaqtady
KANVON. KAZINFORM – Búgin Ońtústik Koreıanyń Kanvon qalasynda ótip jatqan jasóspirimder Olımpıadasynyń sońǵy kúni Qazaqstan quramasy shańǵy jarysynan aralas komandalyq estafeta jarysyna qatysty.
Atalǵan sport túrinen el namysyn Berik Boranbaev, Aýbákir Totanov, Vıoletta Mıtropolskaıa men Mılana Mamedova kvarteti qorǵap, jarysty 16-orynmen aıaqtady.
Osylaısha IV qysqy jasóspirimder Olımpıadasynda sońǵy júlde jıyntyǵyn sarapqa salǵan shańǵyshylar arasynan bas júldeni Germanııa sportshylary jeńip alsa, ekinshi oryndy Frantsııa quramasy qanjyǵasyna baılady. Al úzdik úshinshi oryn Shveıtsarııa quramalaryna buıyrdy.
Jarys qorytyndysy:
Aralas komandalyq estafeta.
4×5 shaqyrym. 24 komanda.
1-oryn - Germanııa — 53:07.3
2- oryn - Frantsııa — 53:13.0
3-oryn - Shveıtsarııa — 53:13.3
16-oryn - Qazaqstan — 58:57.4
Qazir Qazaqstan delegatsııasy 1 altyn, 2 qola medalmen jalpy esepte 19-satyda tur.
Elimizge alǵashqy altyndy Ilıa Mızernyh syılasa, Polına Omelchýk (short-trek) pen hokkeıden Ulttyq qurama qola medal jeńip aldy.
Aıta keteıik, Ońtústik Koreıadaǵy jasóspirimder Olımpıadasynda Qazaqstan namysyn sporttyń 5 túrinen 10 dıstsıplına boıynsha 41 sportshy qorǵap jatyr.
