Kanvon-2024: Qazaqstan quramasy medaldar kestesinde 17-orynǵa syrǵydy

KANVON. KAZINFORM — Ońtústik Koreıanyń Kanvon qalasynda ótip jatqan jasóspirimder Olımpıadasynyń toǵyzynshy kúni Qazaqstan quramasy 17-orynǵa syrǵydy.

Qazaqstan quramasy ázirge 1 altyn, 2 qola medalmen jalpy medaldar kestesinde Chehııa jáne Polsha quramalarymen birge 17-oryndy ózara bólisip tur.

Al jalpy komandalyq esepte ázirge Italııa quramasyna teń keler eshkim bolmaı tur. Búgin olar altyn medaldar synyn 10-ǵa jetkizdi. Italııalyqtardyń enshisinde 10 altyn, 2 kúmis, 3 qola medal bar.

Al ekinshi orynda 7 altyn, 3 kúmis, 4 qola medalmen Germanııa quramasy kele jatsa, úzdik úshtikti 6 altyn, 3 kúmis, 4 qola medalmen Frantsııa quramasy túıindep tur.

Medaldar kestesindegi alǵashqy ondyqqa engen elder:

1. Italııa — 10 altyn, 2 kúmis, 3 qola (15)
2. Germanııa — 7 altyn, 3 kúmis, 4 qola (14)
3. Frantsııa — 6 altyn, 3 kúmis, 4 qola (13)
4. Qytaı — 5 altyn, 8 kúmis, 3 qola (16)
5. AQSh — 4 altyn, 7 kúmis, 2 qola (13)
6. Avstrııa — 4 altyn, 6 kúmis, 5 qola (15)
7. Ońtústik Koreıa — 4 altyn, 5 kúmis, 4 qola (13)
8. Nıderland — 3 altyn, 1 kúmis, 1 qola (5)
9. Ulybrıtanııa — 3 altyn, 1 kúmis (4)
10. Shvetsııa — 2 altyn 3 kúmis, 3 qola (8)