Kanvon-2024: Qazaqstan hokkeı quramasy Olımpıadanyń qola medaline talasady
KANVON. KAZINFORM — Ońtústik Koreıanyń Kanvon qalasynda ótip jatqan IV qysqy jasóspirimder Olımpıadasynda qazaqstandyq hokkeıshiler qola medal úshin synǵa túsedi.
Atap aıtsaq, búgin jartylaı fınaldyq kezdesýde 3×3 hokkeıden synǵa túsip jatqan uldar quramasy kezdesýde basty favorıt sanalǵan Latvııaǵa 6:19 (1:9, 2:3, 2:7)
esebimen ese jiberdi.
Endi 3-oryn úshin oıyn (Aýstrııa — Danııa jubynyń jeńilgenimen talasady) erteń Astana ýaqytymen tańǵy 9:00–de ótedi.
Esterińizge sala keteıik, Qazaqstan quramasy toptyq kezeńiniń jetinshi oıynynda Ulybrıtanııa komandasynan 22:13 esebimen basym túsip jartylaı fınalǵa shyqqan edi.
Ókinishke qaraı fınalǵa shyǵa almady.
Sondaı-aq, osyǵan deıin otandastarymyz altynshy kezdesýinde Ispanııa quramasyn 14:4 esebimen jeńse, Olımpıadanyń alǵashqy oıynynda Polshany 18:8 esebimen qapy qaldyrǵan.
Al Taıbeıden kelgen qarsylastaryn 14:2 esebimen jeńdi.
Alaıda, jarystyń ekinshi kúni Avstrııadan 8:9 esebimen utylsa, Latvııadan 11:15 esebimen jeńilip qaldy.
Olımpıadanyń úshinshi kúni Danııa quramasyna qarsy kezdesýde qarsylastaryna 8:6 esebimen jol bergen edi.
