Kanvon-2024: Hokkeıden Qazaqstan quramasy Olımpıadanyń jartylaı fınalyna shyqty

KANVON. KAZINFORM – Ońtústik Koreıanyń Kanvon qalasynda ótip jatqan IV qysqy jasóspirimder Olımpıadasynda qazaqstandyq hokkeıshiler jartylaı fınalǵa joldama aldy. 

Qazaqstan quramasy toptyq kezeńiniń jetinshi oıynynda Ulybrıtanııa komandasynan 22:13 esebimen basym tústi. 

Endi, erteń otandastarymyz latvııalyqtarmen oınaıdy. Fınalǵa shyǵý úshin taǵy bir kezdesýde Avstrııa men Danııa kúsh synasady. 

Esterińizge sala keteıik, otandastarymyz altynshy kezdesýinde Ispanııa quramasyn 14:4 esebimen jeńgen bolatyn. 

Esterińizge sala keteıik, qazaqstandyq hokkeıshiler Olımpıadanyń alǵashqy oıynynda Polshany 18:8 (3:2, 5:4, 10:2) esebimen qapy qaldyrǵanyn jazǵan edik. Al  Taıbeıden kelgen qarsylastaryn 14:2 esebimen jeńdi.

Alaıda, jarystyń ekinshi kúni Avstrııadan 8:9 esebimen utylsa, Latvııadan 11:15 esebimen jeńilip qaldy. Olımpıadanyń úshinshi kúni Danııa quramasyna qarsy kezdesýde qarsylastaryna 8:6 esebimen jol bergen edi.