Kanvon-2024: búgin qazaqstandyq cportshylar qalaı óner kórsetti
ASTANA. KAZINFORM – Ońtústik Koreıada ótip jatqan qysqy sport túrlerinen IV qysqy jasóspirimder Olımpıadasynyń besinshi jarys kúni Qazaqstan quramasynyń qorjyny taǵy bir medalmen tolyqty.
Nátıjesinde Qazaqstan jalpy medaldar kestesinde bir saty joǵarlap, 15-orynǵa qol jetkizdi. Endi búgingi jarys kúnine qysqasha sholý jasap ótsek.
Hokkeıden (3×3) Ulttyq qurama Kanvon Olımpıadasynyń qola medalin jeńip aldy. Júlde jolyndaǵy matchta bizdiń komanda Aýstrııa quramasynan basym tústi. Esep: 6:5 (4:1, 1:2, 1:2).
Básekeniń bas júldesin Latvııa jeńip alsa, kúmis júlde Danııaǵa buıyrdy.
Konkımen júgirýden aralas komandalyq estafetada Ulttyq qurama sportshylary jartylaı fınalda qatelik jiberip (Rýslan Jánadilov, Krıstına Shýmekova) aqtyq synǵa shyǵa almady. Munda Qytaı quramasy jeńimpaz atandy. Kúmis Ońtústik Koreıa, qola Nıderland sportshylarynyń enshisinde ketti.
Erteń sheshýshi jarys mass-startta Krıstına jáne Alına Shýmekovalar, Rýslan Jánadilov, Mıhaıl Matrıýhın elorda ýaqytymen 8:30-da muz aıdynyna shyǵady.
Taý shańǵysynan slalomda Aleksandra Skorohodova márege 1:40.34 sekýndta kelip, 9-satyǵa turaqtady. Aýstrııa quramasynyń ókili Maııa Varoshıts (1:37.49) chempıon atansa, Sharlotta Grandınger (Germanııa, 1:38.08) kúmis, Djordjıo Kolomb (Italııa, 1:38.46) qolany mise tutty.
Rostıslav Hohlov uldar arasynda 19-orynnan kórindi (1:46.38). Altyndy Ulybrıtanııa atleti Zak Kerrık-Smıt (1:38.61) jeńip alsa, odan keıingi satyǵa Ellıot Vestlýnd (Shvetsııa, 1:38.66) pen Nesh Hýot-Marshan (Frantsııa, 1:38.87) jaıǵasty.
Erteń taý shańǵysynan aralas komandalyq estafeta ótedi. Jarys Astana ýaqytymen tańǵy 8:00-de bastalady.
Sondaı-aq erteń parallel frıstaıl-mogýlda ıÝlııa Feklıstova men Denıs Rastrýba el namysyn qorǵaıdy. Jarys 10:00-de ótedi.
Qazir Qazaqstan jalpy esepte 1 altyn, 2 qola medalmen 15-satyda tur. Azııa qurlyǵynda alǵash ret ótip jatqan keshendi jarys qazirdiń ózinde Qazaqstan úshin tarıhı nátıjemen este qaldy. Osyǵan deıingi oıyndarda otandastarymyz chempıon atanbaǵan edi.
Aıta keteıik, Ońtústik Koreıadaǵy jasóspirimder Olımpıadasy 1 aqpanda máresine jetedi.
