Kanvon-2024: Bıatlonshylarymyz komandalyq estafetany 11-orynmen aıaqtady
KANVON. KAZINFORM – Ońtústik Koreıanyń Kanvon qalasynda ótip jatqan IV qysqy jasóspirimder Olımpıadasynda qazaqstandyq bıatlonshylarymyz komandalyq estafetany 11-orynmen aıaqtydy.
Bul bıatlonnan IV qysqy jasóspirimder Olımpıadasynyń sheshýshi saıysy bolatyn. Atalǵan dodaǵa 26 komanda qatysty. Qazaqstannan erler arasynda Kırıll Zotov, Anton Redkın, al qyzdar arasynda Alema Karabaeva men Evelına Mezentseva el namysyn qorǵaǵan bolatyn.
Jarys qorytyndysy boıynsha otandastarymyz 1:23:56.5 ýaqyt kórsetkishimen 11-orynǵa taban tiredi.
1- oryn - Italııa (3+11) — 1:15:12.4
2-oryn - Frantsııa (2+13) — 1:16:25.4
3-oryn - Chehııa (5+16) — 1:18:23.4
11-oryn - Qazaqstan — 1:23:56.5
Esterińizge sala keteıik, Olımpıada oıyndarynyń alaýy 19 qańtar kúni tutandy.
Kanvon provıntsııasynyń Kannyn qalasynda ótip jatqan jyldyń basty jarysyna Qazaqstan jasóspirimder quramasy sapynda 41 sportshy 5 sport túrinen baq synap, 55 júlde jıyntyǵyn sarapqa salyp jatyr.
Atap aıtar bolsaq, bıatlon, kerlıng, konkımen júgirý, short-trek, shaıbaly hokkeı, shańǵy jarysy, shańǵymen tuǵyrdan sekirý, shańǵy qossaıysy, taý shańǵysy, frıstaıldan paralleldi mogýl boıynsha synǵa túsip jatyr.
Kanvondaǵy qysqy jasóspirimder Olımpıadasy 1 aqpan kúni máresine jetedi.
