Qanttyń ornyna bal qoldanýdyń úsh sebebi
ASTANA. 24 tamyz. QazAqparat - Qazir bazar jańa jınalǵan balǵa lyq toly. Qystyń qamyn jaz oılap, qarapaıym qanttyń ornyna bal jınaýǵa kem degende úsh sebep bar, deıdi amerıkalyq dáriger D. S. Djarvıstiń zertteýine súıenip honey.tj.
Ol:
Birinshiden, kalorııaǵa baı. Bir as qasyq qantta 46 kalorııa bolsa, balda - 64 kalorııa.
Ekinshiden, glıkemııalyq ındeksi tómen. Bul tamaqtyń qandaǵy qant mólsherine áser etýin kórsetetin shama. ıAǵnı, bizdiń jegen azyǵymyzdyń glıkemııalyq ındeksi kóp bolsa, ol qant dıabetine, salmaqtyń ósýine, júrek-qantamyr júıesine keri áser etedi. Demek ındeksi tómen azyqtyń paıdasy da zor. Qanttyń glıkemııalyq ındeksi - 70 birlikti qurasa, baldyki - 49 birlik.
Úshinshiden, quramy baı. Qantta múldem paıdaly zat joq desek, artyq aıtpaspyz. Ony ádette «bos kalorııa» dep ataıdy. Baldyń quramy dárýmen men mıneralǵa sheksiz baı. Eger ony durys qoldana bilsek, bizdiń aǵzamyz ómirge qajetti zattarmen tolyǵyp otyratyn edi.
