Qanttyń densaýlyqqa qaýpi alkogol men tabaktan kem emes
ASTANA. 11 qańtar. QazAqparat - Taıaý aralyqta Ulybrıtanııada semizdik «indetimen» kúreske baǵyttalǵan densaýlyq saqtaý júıesiniń jańa baǵdarlamasyn iske qospaq, dep habarlady The Telegraph.
Brıtandyq ǵalymdardyń paıymynsha, qant alkogol men tabak sııaqty óte qaýipti. Jańa baǵdarlama brıtandyqtardy qant mólsheri kóp azyq-túlikterdi tutyný kólemin azaıtýǵa, kúndelikti tutynylatyn ónim normasyn 100 kalorııǵa tómendetýge baǵyttalǵan. Sonymen qatar mamandar tamaq ónerkásibi kásiporyndaryn azyq-túlik ónimderi quramyndaǵy qant mólsherin 30 paıyz tómendetýge shaqyrýda. Buǵan qosa, olar tátti shyryndar men balalarǵa arnalǵan tisbasar jarnamalaryn toqtatýǵa, al úkimetti ulttyq saýyǵýyna kedergi keltirip otyrǵandarǵa aıyppul salýǵa shaqyrýda.
Aıta keterligi, búgingi tańda Ulybrıtanııadaǵy eresek azamattardyń tórtten biri semizdikke shaldyqqan. Ahýal budan ári de osylaı órbı beretin bolsa, onda 2050 jylǵa qaraı erkekterdiń 60, áıelderdiń 50, al balalardyń 25 paıyzy semizdik zardabyn tartatyn bolady.
