Qanttyń baǵasy qandaı jaǵdaıda arzandaýy múmkin - zaýyt basshysynyń jaýaby
«Aqsý qant» zaýyty – Qazaqstandaǵy mazýtpen jumys isteıtin jalǵyz zaýyt. Qalǵandarynyń barlyǵy gazben isteıdi. Mazýttyń baǵasy eksporttyq shekteýlerge baılanysty birde kóteriledi, birde tómendeıdi. Al biz, qant shyǵarý úshin ony satyp alamyz. Degenmen, baǵanyń turaqsyzdyǵy qanttyń qunyna da áser etedi. Máselen, qantqa shekti baǵa qoıylǵan. Bul oraıda bizdiń shyǵyndarymyz artyp ketedi. Oblys ákimdiginen «QazMunaıGazǵa» hat jazýyn ótindik. Bizdi arnaıy kásiporyndar tizimine engizýin suraımyz nemese bólinetin kvota kólemin ulǵaıtsa deımiz. Mazýttyń kvotasyn 20 myń tonnaǵa kóbeıtý oryndy bolar edi. Ol óte kóp emes. Tıisinshe, qanttyń baǵasy 10%-ǵa arzandaıdy. Biz osy máseleni jarty jyldan beri sheshe almaı kelemiz», - dep usynys bildirdi Qaırat Orazbekov.
Qosa ketsek, buǵan deıin «Qazaqstan qant, tamaq jáne qaıta óńdeý ónerkásibi qaýymdastyǵy» zańdy tulǵalar birlestiginiń prezıdenti Aıjan Abaqanqyzy sý bolmasa, qant qyzylshasy alqabyn keńeıtýdiń mańyzy joq ekenin aıtyp edi.
