Kantrı mýzykasynyń ańyzy Dollı Parton 80 jasynda qaıtys boldy
ASTANA. KAZINFORM — Amerıkalyq kantrı mýzykasynyń ańyzy, ánshi, án avtory ári aktrısa Dollı Parton 80 jasynda ómirden ozdy. Bul týraly onyń otbasy áleýmettik jelidegi paraqshalarynda jarııalady, dep jazady euronews.
Partonnyń qaıtys bolǵanyn onyń jıeni ári qaýipsizdik qyzmetiniń basshysy Braıan Sıver seısenbi kúni ánshiniń resmı áleýmettik jelidegi akkaýnttarynda jarııalanǵan vıdeoda rastady.
Dollı Partonnyń shyǵarmashylyq jolynda álemge tanymal «Jolene» jáne «I Will Always Love You» sııaqty hıtter bar. Sıverdiń aıtýynsha, ánshi qoshtasý sózi retinde dál «I Will Always Love You» sóziniń aıtylǵanyn qalaǵan.
Ánshi, án avtory jáne aktrısa Dollı Parton kantrı mýzykasynyń eń yqpaldy tulǵalarynyń biri boldy. Ol ondaǵan jyl boıy mýzyka men buqaralyq mádenıettiń damýyna eleýli úles qosty.
Osyǵan deıin AQSh senatory Lındsı Grem 71 jasynda qaıtys bolǵanyn jazǵan bolatynbyz.
