Qantqa qatysty dúrbeleń onyń baǵasynyń ósýine áser etti – Ulttyq bank

NUR-SULTAN. QazAqparat – Osy jylǵy naýryzda ınflıatsııa 3,7% deńgeıinde qalyptasty, dep habarlaıdy QazAqparat Ulttyq banktiń baspasóz qyzmetine silteme jasap.

Banktiń habarlaýynsha, ınflıatsııanyń barlyq komponenti boıynsha baǵanyń ósýiniń jedeldeýi baıqalady. 2022 jylǵy naýryzda tutyný baǵalary 3,7%-ǵa ósip, 1996 jyldan bastap osy aı úshin eń joǵary mándi kórsetti.

«2022 jylǵy naýryzda azyq-túlik taýarlary baǵasynyń ósýi jyldyq mánde 15,4%-ǵa deıin jedeldedi (2022 jylǵy aqpanda – 10%). 2021 jyldyń qarasha aıynda bastalǵan nantoqash ónimderi men jarmalarǵa baǵanyń ósýi astyq daqyldarynyń tómen túsimdiligine jáne álemdik baǵanyń joǵary bolýyna baılanysty jalǵasty.

Sonymen qatar maılar men toń maılar, sút ónimderi men et baǵasynyń ósýi baıqaldy. Qantqa qatysty dúrbeleń qant baǵasynyń ósýin aıtarlyqtaı áser etti. Baǵanyń ósýin jedeldetýge jemister men kókónisterdiń qymbattaýy eleýli úles qosty, al kókónister arasynda qyryqqabat, pııaz, sábiz, qyzanaq jáne kartop baǵasynyń aıtarlyqtaı ósýi baıqaldy», - delingen habarlama.