Qańtarǵa deıin jáne keıin: Almaty men Shymkentte búlingen ǵımarattar qalaı ózgerdi
ALMATY. KAZINFORM — Ońtústik astanada 2022 jyldyń 4-6 qańtar aralyǵynda ákimdik, Prezıdent rezıdentsııasy, «Qazaqstan» teleradıokesheni, ǵımarattar, sondaı-aq kommertsııalyq nysandarǵa órtenip, qırady.
Jappaı tártipsizdik saldarynan kásipkerler aıtarlyqtaı shyǵynǵa ushyrady. Sherýshiler áýejaı men birneshe ushaqty basyp aldy. Sonymen qatar dúkender, saýda jáne oıyn-saýyq ortalyqtary, bank keńseleri men bankomattar tonaldy.
Buzaqylar sol qaıǵyly kúnderi áskerılerge shabýyl jasap, joldyń júrý bóligin jaýyp, avtokólikterdi órtep, azamattardy tártipsizdikterge qatysýǵa kóndirip jáne tonady. Jedel járdem kólikteriniń júrýine kedergi keltirip, medıtsına qyzmetkerlerin uryp-soǵyp, aýrýhanalardy qıratyp, polıtsııa kólikterin aýdaryp tastady.
Qazir elimizdiń óńirlerinde qıraǵan nysandardyń barlyǵy qalpyna keltirildi. Almatyda buzylǵan ǵımarattardyń basym bóligi jóndelse, keıbiri tolyǵymen súrildi. Muqııat saraptamadan keıin Qazaqstan teleradıokesheniniń ǵımaraty buzylyp, onyń ornyna zamanaýı medıa ortalyq salýjospardy. Qurylys jumystary jalǵasyp jatyr.
Prezıdent rezıdentsııasynyń kesheni de buzylyp, ornyna saıabaq salynady. Qazir atalǵan aýmaq qorshalǵan.
Qala ákimdigin qalpyna keltirý jumystary aıaqtalyp, ǵımarat burynǵy jumysyna qaıta oraldy.
2023 jyldyń qańtarynda «Kazinform» agenttigi «Qańtar» arnaıy jobasy aıasynda qaıǵyly oqıǵadan keıin zardap shekken ǵımarattardy aralap, sýretke túsirip qaıtty.
Qala qurylysyn baqylaý bóliminiń málimetinshe, 337 obekt búlingen, onyń ony – memlekettik mekeme. Olar – Almaty ákimshiligi, Prezıdent rezıdentsııasy, Bas prokýratýra, «Qazaqstan» teleradıokompanııasy men Almaty qalasy polıtsııa departamentiniń alty ǵımaraty. Eń qatty zardap shekken - Respýblıka alańy aýmaǵynda ornalasqan nysandar. Búlingen ǵımarattardyń kóbi qalpyna keldi, keıbiri tolyqtaı buzyldy.
Shymkentte 2022 jyldyń qańtar aıynda tonaýshylardyń áreketinen kásipkerlik nysandary, mádenı-ákimshilik ǵımarattar zardap shekti. «Kórme» kórme ortalyǵy tolyǵymen derlik qırady. Biraq búgin ǵımarat qalpyna keltirildi - jóndeý jumystary táýlik boıy júrgizildi. Sonymen qatar, Shymkentte Túrkistan saraıyn, Shanın atyndaǵy drama teatryn, ákimdik pen qalanyń basqa da mańyzdy nysandaryn qalpyna keltirý qajet boldy. Olardy qalpyna keltirýge mıllıardtaǵan teńge bólindi.
Aıta keteıik, 2022 jylǵy Qańtar oqıǵalary Qazaqstan tarıhyndaǵy jańa betburys kezeńi boldy.
Osyǵan deıin QR Prezıdenti Teleradıokesheni Qańtar oqıǵasynyń úsh jyldyǵyna arnalǵan derekti fılm túsirgeni týraly jazǵan edik. Fılm memlekettik tóńkeris áreketiniń hronologııasyn baıandaıdy jáne «Úsh jylda Qazaqstan qoǵamy qalaı ózgerdi?» degen basty suraqqa jaýap beredi.
Eń bastysy, Qazaqstan Prezıdenti odan ári batyl reformalardy júzege asyrý úshin halyqtyń qoldaýyn aldy, bul tóńkeris uıymdastyrýshylaryna unamady. Derekti fılmde Qazaqstannyń aýqymdy transformatsııasynyń negizgi kezeńderi hronologııalyq tártippen kórsetilgen.
