Qańtardyń aıaǵynda Iranda Kaspıı teńizinde bekire balyǵyn aýlaýǵa moratrıı engizý máselesi qaralady

Bul týraly búgin Astanada ótken baspasóz máslıhatynda Aýyl sharýashylyǵy mınıstrligi Balyq sharýashylyǵy komıtetiniń tóraǵasy ıÝrıı Romashov málim etti, dep habarlaıdy QazAqparat.

Aıta keteıik, ótken jyldyń sáýir aıynda Qazaqstan men Iran memleketi basshylarynyń kezdesýinde Elbasy N. Nazarbaev Kaspıı teńizinde bekire balyǵy túrlerin aýlaýǵa moratorıı engizý bastamasyn kótergen bolatyn. Bıylǵy jylǵy qańtardyń 25-27-si aralyǵynda Kaspıı teńiziniń sý bıoresýrstary boıynsha komıssııanyń otyrysy ótedi dep kútilýde. Onda talqylanatyn máselelerdiń kún tártibinde bekire balyǵyn aýlaýǵa moratorıı engizý taqyryby da qarastyrylǵan.

«Bizde bıoresýrstarǵa kvota úlestirýmen aınalysatyn Kaspıı teńiziniń sý bıoresýrstary boıynsha komıssııa bar. Maýsym aıynda Irandaǵy kezekti otyrysta Qazaqstan delegatsııasy atalǵan máseleni komıssııanyń qaraýyna usyndy. Sonda qatysqan delegatsııalar ózderiniń ustanymdaryn aıqyndaýǵa bul máseleni ózderiniń memlekettik organdarymen talqylaý úshin shamaly úzilis alýdy suraǵan bolatyn»,-dedi Komıtet tóraǵasy.

ıÝ. Romashovtyń aıtýynsha, Reseı tarapy elimizdiń bul bastamasyn qoldap otyr jáne olar osy másele boıynsha bekire balyǵyn aýlaýǵa birjaqty rette moratorıı engizdi.

«Sonymen birge, naqtylaı kelgende bul balyqty aýlaý kólemi azaımaı tur jáne onyń kólemi jylyna 286 tonnany quraıdy. Olardyń bizge bergen málimetterine qaraǵanda, aýlanǵan balyq ǵylymı maqsattarǵa, udaıy óndiriske, sondaı-aq taýarlyq óndiristi damytý úshin baǵyttalyp otyr», -dedi ol.

Al Iran jaǵy bolsa, Qazaqstan bastamasyn jalpy alǵanda qoldap otyr. Biraq ta jazda olar moratorıı engizýden tartynyp qaldy. Túrikmenstan da sol ustanymda bolǵan, alaıda olar moratorıdi qoldaýǵa daıyn. Ázerbaıjan jaǵy bul máseleni kezeń-kezeńmen sheshýdi usynýda.