Qańtardyń 29-y kúngi aýa raıy boljamy
ASTANA. QazAqparat - Búgin Qazaqstannyń basym bóliginde jaýyn-shashyn bolmaıdy. Eldiń soltústik-batysy men ońtústiginde aýa raıy qubylmaly, dep habarlaıdy QazAqparat «Qazgıdromet» RMK-nyń málimetterine súıene otyryp.
Kásiporyn taratqan málimetterge qaraǵanda, búgin respýblıkanyń birqatar aýmaqtarynda tuman túsip, kóktaıǵaq, jaıaý burqasyn bolyp, jel kúsheıedi. Ońtústikte shańdy daýyl kóteriledi.
Qyzylorda, Jambyl oblystarynyń keı jerlerinde tuman, kóktaıǵaq bolyp, jeldiń jyldamdyǵy 15-20 m/s bolady, ekpini 23-28 m/s kúsheıedi.
Aqtóbe oblysynyń keı jerlerinde jaıaý burqasyn kútiledi, jel 15-20 m/s kúsheıedi, túnde jáne tańerteń tuman bolady.
Qostanaı oblysynyń keı jerlerinde túnde jáne tańerteń kóktaıǵaq, keı jerlerinde jaıaý burqasyn, tuman bolady, jeldiń kúshi 15-20 m/s jetedi.
Shyǵys Qazaqstan oblysynyń keı jerlerinde jaıaý burqasyn, tuman túsip, kúndiz jeldiń jyldamdyǵy 15-20 m/s jetedi.
Mańǵystaý, Atyraý, Batys Qazaqstan oblystarynyń keı jerlerinde tuman, kóktaıǵaq bolady.
Soltústik Qazaqstan oblysynyń birqatar aýmaqtarynda túnde tuman bolyp, kúndiz jel 15-20 m/s-qa deıin kúsheıedi.
Túrkistan oblysynyń keı jerlerinde shańdy daýyl kóterilip, jel 15-20 m/s jyldamdyqpen uıtqıdy.
Qaraǵandy oblysynyń keı jerlerinde tuman túsedi.
