Qańtardyń 28-i kúngi aýa raıy boljamy
ASTANA. QazAqparat - Qańtardyń 28-i kúni respýblıkanyń basym bóliginde jaýyn-shashyn bolmaıdy. Eldiń shyǵysynda aýa raıy qubylyp turady, dep habarlaıdy QazAqparat «Qazgıdromet» RMK-nyń málimetterine súıene otyryp.
Memlekettik kásiporyn taratqan málimetterge qaraǵanda, búgin respýblıkanyń keı jerlerinde tuman túsip, kóktaıǵaq, jaıaý burqasyn bolyp, jel kúsheıedi.
Qyzylorda, Jambyl oblystarynyń keı jerlerinde tuman túsip, kóktaıǵaq bolyp, jeldiń kúshi 15-20, kúndiz ekpini 23-28 m/s bolady.
Batys-Qazaqstan oblysynyń keı jerlerinde tuman túsip, jaıaý burqasyn, kóktaıǵaq bolady, jeldiń jyldamdyǵy sekýndyna 15-20 metrge jetedi.
Qostanaı, Aqtóbe oblystaranyń keı jerlerinde burqasyn bolyp, jel 15-20 m/s jyldamdyqpen uıtqıdy.
Qostanaı oblysynyń keı jerlerinde tuman bolady.
Atyraý, Mańǵystaý oblystarynyń birqatar aýmaqtarynda tuman túsip, túnde jeldiń kúshi 15-20 m/s-qa jetedi, Atyraý oblysynyń keı jerlerinde kóktaıǵaq bolýy yqtımal.
Almaty, Aqmola, Soltústik Qazaqstan, Pavlodar, Qaraǵandy, Shyǵys Qazaqstan oblystarynyń keı jerlerinde tuman bolady.
