Qańtardyń 27-ne arnalǵan aýa raıy boljamy
ASTANA. QazAqparat - Respýblıkanyń soltústigi, ortalyǵy jáne shyǵysynda aýa raıy turaqsyz bolady, dep habarlaıdy QazAqparat «Qazgıdromet» RMK-nyń málimetterine súıene otyryp.
«Qazgıdromet» RMK-nyń málimetterine qaraǵanda, elimizdiń aımaǵynda frontaldy bólikterdiń ótýine baılanysty qar jaýady. Respýblıkanyń keı jerlerinde tuman túsip, kóktaıǵaq, burqasyn bolyp, jel kúsheıedi.
Aqmola, Soltústik-Qazaqstan, Qaraǵandy, Shyǵys-Qazaqstan oblystarynyń keı jerlerinde tuman túsip, burqasynmen birge jel kúsheıdi, jyldamdyǵy sekýndyna 15-20 metrge jetedi.
Qyzylorda, Atyraý oblystarynyń keı jerlerinde tuman túsip, kóktaıǵaq bolyp, jel 15-20 m/s-ǵa deıin kúsheıedi.
Mańǵystaý, Jambyl oblystarynyń keı jerlerinde tuman túsip, jel 15-20 m/s jyldamdyqpen uıtqıdy.
Túnde Almaty oblysynyń keı jerlerinde tuman túsip, Jalańashkól aýdanynda jel sekýndyna 17-22 metrge deıin kúsheıedi.
Pavlodar oblysynyń keı jerlerinde jaıaý burqasyn bolyp, jel sekýndyna 15-20 metrge deıin kúsheıedi.
Batys-Qazaqstan oblysynyń keı jerlerinde tuman túsip, jaıaý burqasyn bolýy yqtımal.
Túrkistan oblysynyń keı jerlerinde tuman túsip, túnde Qostanaı, kúndiz Aqtóbe oblystarynyń keı jerlerinde jel 18 m/s-ǵa deıin kúsheıedi.
