Qańtardyń 23-inde elordanyń energojúıesindegi apatqa qarsy avtomatıkanyń iske qosylýynan 60 paıyz turǵyn az ýaqytqa jaryqsyz qaldy
ASTANA. Qańtardyń 25-i. QazAqparat /Jasulan Amanbaıuly/ - Qańtardyń 23-i kúni Astana qalasynyń energojúıesindegi apatqa qarsy avtomatıkanyń iske qosylýynan 12 kishi stansy sónip qalǵan.
Bul týraly búgin jýrnalısterge energoúnemdeý tehnologııalaryna arnalǵan japon-qazaq semınary barysynda Astana qalasynyń energetıka jáne kommýnaldyq sharýashylyq basqarmasynyń bastyǵy Qýanysh Beısenbınov málim etti, dep habarlaıdy QazAqparat.
Sonyń saldarynan qalanyń 60 paıyz halqy jaryqsyz qaldy. «Sol kúni dereý qolǵa alynǵan sharalardyń negizinde keshki saǵat 20.50-ge deıin elektr energııasynyń jetkizilimi tolyq qalpyna keltirildi. Jylý jáne sý jetkizilimderinde eshqandaı aqaýlar bolǵan joq. Qazirgi ýaqytta apattyq avtomatıkanyń iske qosylýynyń sebepteri anyqtalýda», dedi Q. Beısenbınov.
