Qańtardyń 12-si kúngi aýa raıy boljamy
ASTANA.QazAqparat - «Qazgıdromet» RMK -nyń ókilderi qańtardyń 12-ne arnalǵan aýa raıy boljamyn jarııa etti.
Kásiporyn taratqan málimetterge qaraǵanda, Qazaqstannyń basym aýmaǵynda atmosferalyq aǵyndardyń ótýine baılanysty aýa raıy qubylmaly bolady.
Eldiń basym aýmaǵynda jaýyn-shashyn bolyp, tek ońtústik-batysta ǵana jaýyn jaýmaıdy.
Respýblıka boıynsha keı jerlerde tuman túsip, kóktaıǵaq, burqasyn bolady jáne jel kúsheıýi yqtımal.
Batys Qazaqstan oblysynyń keı jerlerinde tuman túsip, kóktaıǵaq, burqasyn bolýy múmkin, jeldiń jyldamdyǵy sekýndyna 15-20 metrge jetedi.
Atyraý oblysynyń keı jerlerinde tuman túsip, kóktaıǵaq, burqasyn bolady, kúndiz jel 15-20 m/s jyldamdyqpen uıtqıdy.
Mańǵystaý oblysynyń keı jerlerinde jel 15-20 m/s bolady, túnde jáne tańerteń keı jerlerde tuman túsýi yqımal.
Shyǵys Qazaqstan, kúndiz Aqtóbe, Qostanaı, Soltústik Qazaqstan oblystarynyń keı jerlerinde burqasynmen qatar jel kúsheıip, jyldamdyǵy sekýndyna 15-20 metrge jetedi.
Qostanaı, Soltústik Qazaqstan oblystarynyń jekelegen aýdandarynda da tuman túsýi yqtımal.
Aqmola oblysynda keı jerlerde tuman túsip, kúndiz keı jerlerde jeldiń jyldamdyǵy 15-20 m/s-ke deıin kúsheıedi.
Jambyl, Túrkistan oblystarynyń keı jerlerinde tuman túsip, kóktaıǵaq bolyp, túnde jáne tańerteń jel sekýndyna 15-20 metr jyldamdyqpen soǵady.
Almaty oblysynyń birqatar aýmaqtarynda tuman túsip, kóktaıǵaq bolady, Jalańashkól aýdanynda jel 17-22 m/s jyldamdyqpen soǵady.
Qyzylorda oblysynda tuman túsip, joldarda kóktaıǵaq bolady.
Pavlodar, Qaraǵandy oblystarynda tuman bolýy yqtımal.
