Qańtardyń 1-inen bastap barlyq memlekettik satyp alýlar veb-portal arqyly elektrondyq formatta ǵana júrgizile bastady

Atalmysh memlekettik aqparattyq júıeniń resmı saıty osyndaı aqparat taratyp otyr.

«Memlekettik satyp alýlar týraly» Qazaqstan Respýblıkasynyń Zańyna sáıkes barlyq memlekettik satyp alýlar 2010 jyly qańtardyń 1-inen bastap baǵa usynymdaryna saýal joldaý tásilimen veb-portal arqyly tek elektrondyq formatta júzege asyrylatyn bolady», delingen habarlamada.

Memlekettik satyp alýlarǵa qatysý úshin barlyq áleýetti jetkizýshiler www.goszakup.gov.kz veb-portalynda tirkelýleri qajet.

Aıta ketý kerek, 2009 jylǵy jeltoqsannyń 25-inen bastap memlekettik satyp alý veb-portaly Biriktirilgen salyq aqparattyq júıesimen (BSAJ) yqpaldasyp jumys isteı bastady. Osyǵan baılanysty qatysýshylardyń jáne paıdalanýshylardy tirkeý rásimi ózgertildi. STN, JSN, BSN, TAÁ, Uıymnyń attarynyń, baılanys derekteriniń, paıdalanýshylardyń jáne qatysýshylardyń atrıbýttarynyń durystyǵyn tekserý qyzmeti qosyldy.

Tolyǵyraq aqparatty www.goszakup.gov.kz jáne www.pki.gov.kz saıttarynan ala alasyzdar.