Qańtardan balalarǵa beriletin memlekettik járdemaqylardyń kólemi artty
ASTANA. KAZINFORM – 2025 jylǵa arnalǵan respýblıkalyq bıýdjette balalary bar otbasylarǵa járdemaqy tóleýge 875 mlrd teńge qarastyrylǵan.
Balalary bar 2 mln-ǵa jýyq qazaqstandyq otbasy respýblıkalyq bıýdjetten járdemaqy jáne Memlekettik áleýmettik saqtandyrý qorynan áleýmettik tólemdermen qamtylady. 2025 jyldan bastap balalary bar otbasylarǵa beriletin memlekettik járdemaqylardyń barlyq mólsheri 6,5 paıyzǵa ındeksteledi. Jalpy, 2025 jylǵa arnalǵan respýblıkalyq bıýdjette balalary bar otbasylarǵa járdemaqy tóleýge 875 mlrd teńge qarastyrylǵan.
Az qamtylǵan azamattardy áleýmettik qoldaý ataýly áleýmettik qoldaý arqyly jalǵasady. Ótken jyldyń 1 qarashasynda ataýly áleýmettik kómekti 76 myń otbasy nemese 403 myń adam aldy.
Buǵan deıin 2025 jylǵy 1 qańtardan bastap Qazaqstanda birneshe mańyzdy ózgeris kúshine engenin jazǵan edik.
