Qańtardaǵy jumyssyzdyq 5,2 paıyzdy qurady
ASTANA. QazAqparat - 2014 jylǵy qańtardaǵy baǵalaý boıynsha elimizdiń ekonomıkasynda 8,6 mln. adam jumyspen qamtylǵan. Osylaısha, ótken jylǵy esepti kezeńge qaraǵanda olardyń sany 21,5 myń adamǵa nemese 0,2 paıyzǵa kóbeıdi. Bul týraly QR Statıstıka agenttiginen habarlandy.
Agenttik málimetine qaraǵanda, jaldamaly qyzmetkerlerdiń sany atalǵan kezeńde 6 mln. adamdy (jumyspen qamtylǵandardyń jalpy sanynan 69,7 paıyzyn) qurady. Al 2013 jylǵy IV toqsan derekteri boıynsha, nátıjeli jumyspen qamtylǵandar úlesi 64,5 paıyzdy, jumyspen nátıjesiz qamtylǵandar 35,5 paıyzdy qurady. «Baǵalaý boıynsha 2014 jylǵy qańtarda jumyssyzdar sany 472,9 myń adam bolyp, jumyssyzdyq deńgeıi 5,2 paıyz qurady. QR Eńbek jáne halyqty áleýmettik qorǵaý mınıstrliginiń jumyspen qamtý organdarynda 2014 jylǵy qańtar aıynyń sońyna 42,5 myń adam resmı tirkelgen. Tirkelgen jumyssyzdar úlesi ekonomıkalyq turǵydan belsendi halyqtyń 0,5 paıyzyn qurady», - delingen baspasóz baıanynda.
