Qańtardaǵy UBT: Talapkerlerdiń 74 paıyzy testi qazaqsha tapsyrdy, 36 bala tártip buzdy

ASTANA. QazAqparat - Qańtar aıyndaǵy ulttyq biryńǵaı testileý bastalǵannan beri 57 myń adam test tapsyrdy. Onyń ishinde túlekterdiń 74% – qazaq tilinde, 25% - orys tilinde, 37 adam aǵylshyn tilinde testileýden ótti, dep habarlaıdy QazAqparat.

Ǵylym jáne joǵary bilim mınıstrliginiń málimetinshe, UBT bastalǵaly shekti baldy 78% jýyq talapker jınady. Ortasha ball - 70.

«Testileýdiń úshinshi aptasy aıaqtaldy, barlyǵy shtatty rejımde ótip jatyr. UBT 10 aqpanǵa deıin ótedi. Jalpy, qańtardaǵy ulttyq biryńǵaı testileýge qatysýǵa 125 myńǵa jýyq ótinish kelip tústi. Qazirgi tańda testilenýshilerdiń 19% «Matematıka-Fızıka» pánder kombınatsııasyn tapsyrdy. Tapsyrýshylardyń 18% «Bıologııa-Hımııa» kombınatsııasyn tańdasa, 10% shyǵarmashylyq emtıhandy tańdaǵan. IT baǵyttarǵa túsýge qajetti jańa «Matematıka-Informatıka» kombınatsııasyn UBT-ǵa qatysýshylardyń 9% tapsyrǵan», – dep atap ótti Ulttyq testileý ortalyǵynyń dırektory Rýslan Emelbaev.

​Talapkerlerdiń, sonyń ishinde erekshe bilim berý qajettiligi bar talapkerlerdiń testileýdi yńǵaıly tapsyrýy úshin UBT tapsyrý ýaqyty 40 mınýtqa uzartylǵan.

Sonymen qatar, olar úshin syzba jáne dıagrammalarsyz suraqtar jasaldy. Qabyldanǵan sharalar arqasynda erekshe bilim berý qajettiligi bar 93 bala UBT tapsyrdy.

​Búgingi tańda 36 talapker smartfon, shpargalka jáne basqa da tyıym salynǵan zattardy alyp ótý áreketi saldarynan test tapsyrý múmkindiginen aıyryldy.

Testileý kezinde erejelerdi buzǵany úshin aýdıtorııadan 57 adam shyǵarylyp, olardyń nátıjeleri joıyldy.

Ózge tulǵalar anyqtalǵan joq.

​Aıta keteıik, talapkerler testileý aıaqtalǵannan keıin 30 mınýt ishinde apellıatsııaǵa bere alady.

Sertıfıkat apellıatsııa týraly sheshim qabyldanǵannan keıin testilenýshiniń jeke kabınetinde qoljetimdi bolady.