Qańtardaǵy UBT-ǵa ótinish qabyldaý aıaqtalýǵa jaqyn

ASTANA. KAZINFORM — Qańtar UBT-syna ótinish qabyldaý erteń aıaqtalady. Osydan keıin testileý pýnktin, kúnin jáne ýaqytyn ózgertý múmkin bolmaıdy, dep habarlaıdy Ulttyq testileý ortalyǵynyń baspasóz qyzmeti.

— Qańtar UBT-syna ótinish qabyldaý 30 jeltoqsan saǵat 23:59–da aıaqtalatynyn esterińizge salamyz. Osydan keıin testileý pýnktin, kúnin jáne ýaqytyn ózgertý múmkin bolmaıdy. Beıindik pánder men testileý tilin ózgertý Sizdiń testileý kúnińiz bastalǵanǵa deıin 24 saǵat buryn múmkin bolady. Ótinish berý kezinde óte muqııat bolýyńyzdy suraımyz, — dep eskertti vedomstvo.

Budan buryn Senatta BAQ ókilderiniń saýalyna jaýap bergen Ǵylym jáne joǵary bilim vıtse-mınıstri Gúlzat Kóbenova 2027 jyly UBT formaty ózgerýi múmkin ekenin aıtqan edi.