Qańtarda JІÓ ósimi 3,9 paıyz boldy
ASTANA. KAZINFORM – Qańtarda elimizdiń jalpy ishki ónim ósimi 3,9 paıyz boldy. Bul týraly Ulttyq bank tóraǵasy Tımýr Súleımenov aıtty.
«2023 jyly Qazaqstan ekonomıkasy jyldyq 5,1 paıyzǵa ósti. Ekonomıkanyń barlyq negizgi salalarynda iskerlik belsendilik keńeıdi. 2024 jylǵy qańtar aıynyń qorytyndysy boıynsha jalpy ishki ónim jyldyq 3,9 paıyzǵa artty. Іskerlik belsendilik odan ári keńeıýde. Qurylys, kólik, aqparat jáne baılanys salalary eń joǵary ósý qarqynyn kórsetti. Óńdeý ónerkásibinde iskerlik belsendilik artty. Onyń ishinde hımııa ónerkásibi, mashına jasaý, metall buıymdary jáne metallýrgııa salalary ósip keledi. Bólek aıta ketetin jaıt, 2023 jyly eginniń az jınalýynan týyndaǵan quldyraýdan keıin aýylsharýashylyq óndirisi ósý aımaǵyna ótti», - dedi Tımýr Súleımenov Ulttyq bankte ótken brıfıngide.
UB basshysynyń aıtýynsha, ishki suranys baǵaǵa qysym kórsetip, turaqty qalpynda qaldy. Ony bólshek taýar aınalymynyń, jekelegen tutyný taýarlary ımportynyń jáne tamaqtaný, qonaqúı qyzmeti derekterinen kórýge bolady. Halyqtyń naqty jalaqysynyń ósýi jáne tutynýshylyq kredıtteý ishki suranysqa qoldaý kórsetti.
«Investıtsııalyq belsendilik artyp keledi. Negizgi kapıtalǵa salynǵan ınvestıtsııalardyń ósimi ekonomıkanyń barlyq salasynda baıqaldy», - dedi ol.
