Qańtarda Jerde magnıttik daýyldyń rekordtyq sany tirkeldi
ASTANA. KAZINFORM – 2026 jylǵy qańtar aıynda Jerde magnıttik daýyl baıqalǵan kúnder sany 2017 jyldan bergi eń joǵary deńgeıge jetti. Bul týraly Reseı Ǵylym akademııasynyń Ǵaryshtyq zertteýler ınstıtýty men Sibir bólimshesiniń Kún-jer fızıkasy ınstıtýty janyndaǵy Kún astronomııasy zerthanasy málimdedi.
Zerthana derekterine sáıkes, 2026 jyldyń basy geomagnıttik belsendilik turǵysynan sońǵy keminde on jyldaǵy eń qarqyndy kezeńderdiń biri bolýy múmkin ekenin kórsetip otyr.
Tek qańtar aıynyń ózinde magnıttik daýyldar tirkelgen 10 kún anyqtalǵan. Bul Kún belsendiliginiń 25-tsıkli aıasyndaǵy eń joǵary kórsetkish sanalady, sondaı-aq 2017 jylǵy qyrkúıekten bergi eń úlken mán.
Ǵalymdardyń aıtýynsha, tirkelgen magnıttik daýyldardyń negizgi kózi Kúndegi koronaldyq tesikter bolǵan.
Mamandar magnıttik daýyldar Kún belsendiligimen tikeleı baılanysty ekenin jáne aldaǵy aılarda da geomagnıttik jaǵdaıdyń qubylmaly bolýy múmkin ekenin joqqa shyǵarmaıdy.
Aıta keteıik, aqpannyń basynda da Jerge magnıtti daýyl soqty.