Qańtarda ustalǵan jas jigitti azaptap óltirgen semeılik polıtseı 6 jylǵa sottaldy
Іs QK 146-babynyń 3-bólimi, 362-babynyń 4-bólimi boıynsha qozǵalǵan.
2022 jylǵy 11 qańtarda saǵat 01.00 shamasynda komendanttyq saǵatty buzǵany úshin 1995 jyly týǵan azamat E-niń ustalǵan.
Polıtsııa qyzmetkeri A. kúdiktini polıtsııa bólimine ákelgennen keıin E-ge azaptaý qoldanylyp, ol qaıtys bolǵan.
A-nyń kinási sol kúni quqyq qorǵaý organdarynyń qyzmetkerleri jaǵynan azap qoldanylǵan kýágerdiń kórsetýlerimen rastaldy.
Sotpen qaralǵan is boıynsha sottalýshynyń kinásin beınebaqylaý jazbasy, sot-medıtsınalyq saraptama qorytyndysy jáne basqa da dáleldemeler rastaıdy.
Sottalýshy ózine taǵylǵan aıypty moıyndamaı, aqtaýdy surady.
Prokýror 3 jyl merzimge memlekettik qyzmet jáne quqyq qorǵaý organdarynda qyzmet atqarý quqyǵynan aıyra otyryp, 10 jyl merzimge bas bostandyǵynan aıyrý jazasyn taǵaıyndaýdy surady.
Sonymen qatar prokýror A-ny «polıtsııa kapıtany» arnaýly ataǵynan aıyryp, 10 mln teńge kóleminde moraldyq shyǵyndy óndirýdi talap etti.
Jábirlenýshi (marqumnyń aǵasy) prokýrordyń ustanymymen kelisti.
Sot azamat A-ny QK 146 babynyń 3 bólimimen (azaptaý) kináli dep tanydy. QK 362 babynyń 4 bólimi boıynsha shekten tys taǵylǵan aıyppen alyp tastaldy.
Sot A-nyń asyraýynda jas balalar bar ekenin jeńildetetin mán-jaı dep tanyp, tótenshe jaǵdaıda qylmys jasaǵanyn jáne antyn buzǵanyn aýyrlatatyn mán-jaı dep tanydy.
Búkil mán-jaıdy eske ala otyra, sot sottalýshy A-ny 3 jyl merzimge memlekettik qyzmet jáne quqyq qorǵaý organdarynda qyzmet atqarý quqyǵynan aıyra otyryp, «polıtsııa kapıtany» arnaýly ataǵynan aıyryp jáne jábirlenýshiniń paıdasyna 9 mıllıon tenge moraldyq shyǵyn óndirý arqyly 6 jylǵa bas bostandyǵynan aıyrý jazasyn taǵaıyndady.
Úkim zańdy kúshine engen joq.
