Qańtarda turǵyn úıdi satyp alý-satý ótken jyldyń sáıkes kezeńimen salystyrǵanda 13,4 paıyzǵa artty - Statıstıka
ASTANA. 14 aqpan. QazAqparat /Marlan Jıembaı/ - Qańtarda turǵyn úıdi satyp alý-satý ótken jyldyń sáıkes kezeńimen salystyrǵanda 13,4 paıyzǵa artty.
Bul týraly búgin QR Statıstıka agenttiginde ótken baspasóz máslıhatynda vedomstvo basshysy Álıhan Smaıylov málim etti.
«Aǵymdaǵy jyldyń qańtarynda turǵyn úıdi satyp alý-satý sany 9207-ni qurady jáne ótken jyldyń qańtarymen salystyrǵanda 13,4 paıyzǵa artty», - dedi ol.
Agenttik basshysynyń atap ótýinshe, qańtar aıynda elimizdiń barlyq óńirlerinde atalǵan naryqta jandaný baıqalǵan. Degenmen Almaty qalasy men Almaty oblysynda atalǵan naryqtaǵy kelisimder sanynyń birshama tómendeýi tirkelgen.
«Al Astanada turǵyn úıdi satyp alý-satý kelisimderi sany 10,6 paıyzǵa ósti», - dedi agenttik tóraǵasy.
