Qańtarda Prezıdent sheshimdi qalaı qabyldady – Májilis spıkeriniń suhbaty
ASTANA. QazAqparat – Jýrnalıst Nartaı Aralbaıulynyń YouTube-arnasyna suhbat bergen QR Parlamenti Májilisiniń spıkeri Erlan Qoshanov qańtar oqıǵasy kezinde Aqordada bolǵan kúrdeli jaǵdaı týraly aıtyp berdi, dep habarlaıdy QazAqparat tilshisi.
«Meniń kózimshe bolǵan bir jaǵdaıdy aıtaıyn. Almatyda jáne óńirlerde osyndaı jaǵdaı bolyp jatqan kezde men Prezıdenttiń kabınetinde boldym. Sol kezde Prezıdenttiń kúzet qyzmetkeri kirip kelip, aıtty: «Prezıdent myrza, Aqordaǵa shabýyl jasalýy múmkin, sizdi basqa qaýipsiz jerge kóshirýimiz kerek», - dep. Sol kezde men Prezıdentti basqa qyrynan kórdim. Ol turyp, qatty aıtty: «Men eshqaıda barmaımyn. Ne bolsa da, osy jerde kóremin», - dedi. Týra osydan artyq sóz aıtqan joq. Qatty aıtty da, kúzet qyzmetin qoıa berdi. Sol kezde men Prezıdenttiń batyldyǵyn da, minezin de kórdim», - dedi Erlan Qoshanov.
Qosa ketsek, suhbat aıasynda Májilis spıkeri Prezıdent saılaýynyń ne sebepti kúzge belgilengenin málimdep edi. Onyń aıtýynsha, bul - osy kezge deıin qabyldanǵan saıası reformalady oryndaıtyn jáne saıası ınstıtýttardyń jańasha jumys isteıtin kezeńnin bastaýy bolmaq.
Vıdeodan alynǵan kadr
