Qańtarda oq tıip qaza tapqan Aıkórkemniń ákesi jaýapqa tartyldy
Qańtar oqıǵasy kezinde oq tıip, qaza tapqan 4 jasar Aıkórkemniń ákesi Aıdos Meldehanuly kórineý jalǵan aqparat taratqany úshin jaýapqa tartyldy. Bul týraly Almaty qalalyq sotynyń baspasóz qyzmetinen málim etti, dep habarlaıdy Kazinform.
M.-ǵa qatysty ákimshilik isti Almaty qalasynyń ákimshilik quqyq buzýshylyqtar jónindegi mamandandyrylǵan aýdanaralyq soty qarady.
«Іs materıaldarynan osy jyldyń 8 qarashasynda Aıdos Medelhanuly Facebook-tegi paraqshasynda vıdeoúndeý jarııalaǵany belgili boldy. 21 qazan kúni oǵan kórshisi shabýyldaǵan. Ol bul jóninde polıtsııaǵa aryz jazǵanyn, biraq polıtsııa shaǵymyn qaramaı, is qozǵamaǵanyn aıtady», – dep habarlady sottan.
Sot A. Medelhanuly polıtsııaǵa qandaı da bir aryz jazbaǵanyn jáne júginbegenin anyqtady. Osylaısha, ol áleýmettik jelide jalǵan aqparat jarııalaǵan.
Aıdos Medelhanuly óz kinásin moıyndamady.
«Sot qaýlysymen M. Ákimshilik quqyqbuzýshylyq týraly kodekstiń 456-2 babynyń 3-bóligi boıynsha kináli dep tanyldy jáne oǵan 69 000 teńge mólsherinde balamasyz ákimshilik aıyppul salyndy», – dep atap ótti sottyń baspasóz qyzmetinen.
Sot qaýlysy zańdy kúshine engen joq.
