Qańtarda qysqa merzimdi ekonomıkalyq ındıkator ótken qańtarymen salystyrǵanda 106,9 paıyzdy qurady - Statıstıka
ASTANA. 14 aqpan. QazAqparat /Marlan Jıembaı/ - Aǵymdaǵy jyldyń qańtarynda qysqa merzimdi ekonomıkalyq ındıkator 2010 jyldyń qańtarymen salystyrǵanda 106,9 paıyzdy qurady.
Bul týraly búgin QR Statıstıka agenttiginde ótken baspasóz máslıhatynda vedomstvo basshysy Álıhan Smaıylov málim etti.
Agenttik basshysynyń atap ótýinshe, qysqa merzimdi ekonomıkalyq ındıkatordy esepteý jedeldikti qamtamasyz etý maqsatynda júzege asyrylady jáne JІÓ-niń 67-68 paıyzyn quraıtyn aýyl sharýashylyǵy, ónerkásip, qurylys, saýda, kólik jáne baılanys sııaqty negizgi salar boıynsha shyǵarylym ındeksteriniń ózgerýine negizdeledi. 2011 jylǵy qańtarda ónerkásip óndirisiniń kólemi qoldanystaǵy baǵalarda 1136 mlrd. teńgeni qurady. Bul ótken jylǵy qańtarǵa qaraǵanda 5,8 paıyzǵa artyq. Ken óndirý ónerkásibinde jáne karerlerdi qazýda 5, óńdeý ónerkásibinde 7,5, elektrmen jabdyqtaý, gaz, bý berý jáne aýa baptaýda 5,1, sýmen jabdyqtaýda 1,9 paıyzǵa óndiris ósimi baıqalady.
Sonymen qatar qańtar aıynda aýyl sharýashylyǵynyń jalpy óniminiń kólemi ótken jyldyń qańtarymen salystyrǵanda 1,9 paıyzǵa artyp, 54,4 mlrd. teńgeni qurady.
