Qańtarda kishkentaı Aıkórkemdi óltirdi dep aıyptalǵan áskerı aqtaldy: Prokýror úkimmen kelispeıdi

Áskerı prokýratýra Qańtar oqıǵasy kezinde 4 jasar Aıkórkemdi óltirdi dep aıyptalǵan Arman Jumanǵa shyqqan úkimmen kelispeıdi, dep habarlaıdy Kazinform.

15 qarashada Almaty garnızony áskerı soty Arman Jumanǵa úkim shyǵaryp, ony aqtady. 

Ol qarý qoldaný arqyly bıligin asyra paıdalanyp, kámeletke tolmaǵan balanyń ólimine ákep soqtyrǵan jáne eki adamnyń densaýlyǵyna zaqym keltirdi degen aıyppen sotqa tartylǵan bolatyn. 

Jaryssóz kezinde memlekettik aıyptaýshy Jumandy taǵylǵan aıyp boıynsha kináli dep tanyp, 7 jylǵa bas bostandyǵynan aıyrýdy surady.

Prokýror úkimniń kúshin joıý jóninde apellıatsııalyq shaǵym túsiredi.