Qańtarda Kia Sportage qurastyratyn jańa jeli jumysyn bastaıdy

ASTANA. QazAqparat – Keler jyldyń basynda Kia Sportage modelin qurastyratyn jańa óndiris jelisi resmı túrde ashylady. Bul týraly QR Indýstrııa jáne ınfraqurylymdyq damý mınıstri Qaıyrbek Óskenbaev Úkimet otyrysynan keıin BAQ ókilderine málim etti, dep habarlaıdy QazAqparat tilshisi.

«Kia Sportage modeli boıynsha jańa óndiris jelisin iske qosqanbyz. Qańtar aıynda ashylady jáne ósim bolady dep oılaımyn. Hyundai boıynsha kelissóz júrip jatyr. Qazir olar úlken ınvestıtsııalyq baǵdaralamany iske qosty. Kelesi jyly qytaılyq áriptesterimen birge 3 zaýyt salýdy josparlap otyr. Osylaısha munda da jańa modelder keledi», - dedi mınıstr.