Qańtarda keltirilgen shyǵyndy ótegen 35 kúdiktige qatysty qylmystyq is qysqartyldy
«Buryn sottylyǵy bolmaǵan, shyǵyndy óz erkimen ótegen 421 kúdiktige qatysty bultartpaý sharalary qoǵamnan oqshaýlaýmen baılanysty emes jazaǵa ózgertildi. Budan ári olarǵa eshqaıda ketpeý qolhaty, kepil, úıqamaqta ustaý sııaqty sharalary qoldanyldy. Ortasha jáne onsha aýyr emes qylmys jasaǵan, sondaı-aq jábirlenýshilerge keltirilgen shyǵyndy ótegen 35 kúdiktige qatysty qylmystyq is qysqartyldy», - dedi Sanjar Ádilov Ortalyq kommýnıkatsııalar qyzmetinde.
Onyń aıtýynsha, óz kezeginde sottar da jaza taǵaıyndaǵan kezde tergeý málimetterimen qatar, sottalýshylardyń óz ustanymyn, ókinish bildirýin, shyǵyndy ótegenin jáne tergeýge járdem kórsetkenin de eskerýde.
«Almaty oblysynyń eki turǵyny Almaty qalasyndaǵy jappaı tártipsizdik kezinde Abylaı han dańǵylyndaǵy dúkenderdiń birinen jarty mıllıon teńgeden astam somanyń taýaryn urlaǵan. Sot aıyptalýshylardyń jeke basyn minezdeıtin málimetterdi, jasaǵan áreketine ókinish bildirýin jáne shyǵyndy ótegenin eskere otyryp, 2 jylǵa bas bostandyǵyn shekteý úkimin shyǵardy», - dedi vedomstvo ókili.
