Qańtarda Qazaqstandaǵy JІÓ ósimi 6,3 paıyzdy qurady

Bul týraly búgin elordada ótken baspasóz máslıhaty barysynda QR Statıstıka agenttigiń tóraǵasy Álıhan Smaıylov málim etti.

«Qańtar aıynda JІÓ ósimi 106,3 paıyzdy qurady» - dedi ol.

Aıta keteıik, aǵymdaǵy jyldyń 4 aqpanynda Ekonomıkalyq damý jáne saýda mınıstrliginde ótken alqa májilisinde vedomstvo basshysy Janar Aıtjanova 2011 jyly Qazaqstannyń jalpy ishki ónimi 5 paıyz deńgeıinde boljanatynyn málimdegen bolatyn.

J. Aıtjanovanyń aıtýynsha, mınıstrliktiń aǵymdaǵy jylǵy basty mindetteri Memleket basshysynyń júktegen mindetterin, onyń ishinde aǵymdaǵy jylǵy Joldaýda qamtylǵan tapsyrmalaryn júzege asyrý, sondaı-aq Úkimet basshysy tarapynan alǵa qoıylǵan mindetterdi oryndaý bolyp tabylady. «Bul rette makroekonomıkalyq saraptama jáne boljaýlarǵa keletin bolsaq, 2011 jyly elimizdiń jalpy ishki óniminiń naqty ósim deńgeıi 5 paıyzǵa boljanady. Kórsetkishke qol jetkizý úshin álemdik ekonomıkalyq damýdyń kómeskiligi aıasynda áli de saqtalyp turǵan táýekelderdi eskere otyryp, makroekonomıkalyq táýekeldermen jumys jandana túsedi», - dedi mınıstr.

Onyń aıtýynsha, 2012-2016 jyldarǵa arnalǵan eldiń áleýmettik-ekonomıkalyq damý boljamyn qalyptastyrý aldaǵy úshjyldyq bıýdjetti qurýǵa negiz bolady.