Qańtarda Qazaqstan ekonomıkasy 4 paıyzǵa ósti
ASTANA. QazAqparat - Aǵymdaǵy jyldyń qańtar aıynda Qazaqstannyń jalpy ishki ónimi 4 paıyzǵa ósti. Bul týraly búgin Úkimet otyrysynda QR Ulttyq ekonomıka mınıstri Tımýr Súleımenov málim etti, dep habarlaıdy QazAqparat.
«2017 jylǵy ekonomıkalyq damýdyń joǵary qarqyny aǵymdaǵy jyldyń basynda da turaqty saqtalyp otyr. 2018 jyldyń birinshi aıynyń qorytyndysynda JІÓ ósimi 4 paıyzdy qurady. 2017 jyldyń qańtarynda ósim 2,4 paıyz bolǵan edi»,- dedi ol.
Onyń aıtýynsha, ósimniń negizgi kózderi ónerkásip sektoryndaǵy shyǵarylatyn ónimderdiń keńeıýi, ınvestıtsııalyq suranystyń artýy jáne ishki tutynýdyń turaqty túrde qalpyna kelýi bolyp otyr. Sonyń nátıjesinde jyl basyndaǵy ınflıatsııa 0,6 paıyzdy qurady. Bul ınflıatsııalyq targetteý rejimine kóshkennen keıingi eń tómengi mán sanalady. Jyldyq mánde ınflıatsııa 6,8 paıyz bolmaq.
«Aǵymdaǵy jyldyń birinshi aıynda eldiń halyqaralyq qory 1,1 paıyzǵa artyp, 90,1 mlrd dollarǵa jetti. Onyń ishinde altyn-valıýta qory 3,2 paıyzǵa kóbeıip, 31,7 mlrd dollar boldy. Al Ulttyq qor aktıvteri ótken jylǵy deńgeıde saqtaldy», - dedi Tımýr Súleımenov.
