Qańtarda Qaraǵandy oblysy medsaqtandyrý qoryna 1,7 mlrd teńge qarjy aýdardy

QARAǴANDY. QazAqparat – 2021 jyldyń qańtar aıynda Qaraǵandy oblysynyń medıtsınalyq saqtandyrý qoryna 1,7 mlrd teńgeden astam qarjy tústi. Jyldyń alǵashqy aıynda óńirdiń jumys berýshileri bir mıllıard teńgege jýyq qarajat aýdardy, dep habarlaıdy QazAqparat tilshisi.

Óz jumyskerleriniń jarnalary men aýdarymdarynan basqa, kásiporyndar men uıymdar ýaqytyly tólemegeni úshin 2 mln teńge ósimpul saldy.

Medıtsınalyq saqtandyrý qoryna BJT tóleıtin ózin-ózi jumyspen qamtyǵan oblys turǵyndary 11 mln-nan astam qarajat aýdardy. Qalǵan soma - bul jeke kásipkerler men derbes tóleýshilerdiń jarnalary men aýdarymdary.

«2020 jyldyń sáýirinen jeltoqsanyna deıin jarnalardan bosatylǵan ShOB-tyń 29 sanaty úshin jeńildikti kezeń aıaqtalǵanyn eske salamyz. 2021 jyldyń qańtarynan bastap olar óz qyzmetkerleri úshin aýdarymdardy qaıta bastaýy kerek. Jeńildetilgen kezeńde qyzmetkerlerde medıtsınalyq saqtandyrý jarnalary boıynsha bereshek bolmaýy úshin osyǵan deıin olar qyzmetkerlerdiń derekterin msb.fms saıtyndaǵy qor bazasyna engizýi kerek edi», - dep atap ótti medıtsınalyq saqtandyrý qorynyń Qaraǵandy fılıalynyń bólim basshysy Svetlana Şetkına.