Qańtarda ınflıatsııa 0,9 paıyzdy qurady - Statıtıstıka

Statıstıka agenttiginiń habarlaýynsha, ótken aıda azyq-túlik taýarlar baǵasy 0,5 paıyzǵa, azyq-túlik emes taýarlarǵa - 0,2 paıyzǵa, aqyly qyzmetterge - 2,2 paıyzǵa ósti.

Budan bólek, baǵa ósimi kartopqa 3,1 paıyzdy, jańa jınalǵan jemister jáne kókónisterge - 3 paıyzdy, jańa saýylǵan sútke - 1,2 paıyzdy, qaımaqqa - 0,9 paıyzdy, makaron ónimderine, súzbege - 0,8 paıyzdan ósýi belgilengen. Al unǵa baǵa - 0,5 paıyzǵa, kúnbaǵys maıyna, shaıǵa - 0,4 paıyzǵa, jumyrtqaǵa, toqash jáne unnan daıyndalatyn kondıter ónimderi - 0,3 paıyzǵa artqan. Sonymen bir mezgilde, baǵanyń tómendeýi qaraqumyq jarmaǵa 1,2 paıyz, qantqa - 0,2 paıyzǵa tirkeldi.

Budan basqa, agenttik málimetteri boıynsha baǵalar temeki ónimderine 0,8, turmystyq zattarǵa - 0,6, kitaptar, gazetter jáne jýrnaldarǵa - 0,5, dári-dármekterge, qatty otynǵa - 0,4, kıim jáne aıaq kıimge - 0,2 paıyzǵa ósken. Baǵanyń joǵarylaý deńgeıi kólik qyzmetterine 3,2 paıyzdy, mektepke deıingi jáne bastaýysh bilim berý qyzmetterine - 1,3 paıyzdy, densaýlyq saqtaý, shashtarazdar men jeke qyzmet kórsetý oryndarynyń qyzmetterine - 1,1 paıyzdy quraǵan. Quqyqtyq qyzmetter 7,2 paıyzǵa, jeke kólik quraldaryn saqtandyrý - 7 paıyzǵaǵa qymbattaǵan.

Sondaı-aq, turǵyn úı-kommýnaldy qyzmetter salasynda tarıfter sýyq sýǵa 11,7 paıyzǵa, elektr energııa - 5 paıyzǵa, ortalyqtan jylytý - 2,5 paıyzǵa, ystyq sýǵa jáne kárizge - 2,3 paıyzǵa, taratý jelileri boıynsha tasymaldanatyn gazǵa jáne qoqys jınaýǵa - 0,8 paıyzǵa, turǵyn úıdi kútip ustaýǵa - 0,6 paıyzǵa ósti.