Qańtarda elimizdegi turǵyn úıdi satyp alý-satý kórsetkishi 21,8 paıyzǵa azaıdy
ASTANA. QazAqparat - 2014 jyldyń qańtar aıynda elimizde turǵyn úıdi satyp alý-satýdyń tirkelgen mámileleriniń sany 11 599 qurady. Statıstıka agenttiginiń málimetine qaraǵanda, atalmysh kórsetkish ótken aımen salystyrǵanda 21,8 paıyzǵa azaıdy.
Jalpy, 2014 jylǵy qańtarda turǵyn úıdi satyp alý-satý mámileleriniń sany 2013 jylǵy qańtarmen salystyrǵanda 0,1 paıyzǵa azaıǵan.
Agenttik aqparatyna súıensek, turǵyn úıdi satyp alý-satý mámileleriniń basym bóligi, naqtyraq aıtqanda 1557-isi Ońtústik Qazaqstan oblysyna tıesili. Budan keıingi orynda Almaty qalasy (1359 mámile), Qaraǵandy jáne Shyǵys Qazaqstan oblystary (1145-ten) tur. Sondaı-aq ótken aıda Astana qalasy boıynsha turǵyn úıdi satyp alý-satý mámileleriniń sany 707-i quraǵan.
