Qańtarda elimizdegi ınflıatsııa 1,7 paıyzdy qurady

Vedomstvonyń taratqan aqparatyna sáıkes, baǵa azyq-túlik taýarlaryna ótken aıda 3, azyq-túlik emes taýarlarǵa - 0,5, aqyly qyzmet kórsetýlerge - 1,2 paıyzǵa ósti. Ótken aıda baǵanyń ósýi nan jáne jarma ónimderine 1,1, al qaraqumyq jarmasyna - 18,6, sókke - 4,7, arpaǵa - 3,2, unǵa - 1,6 paıyzǵa belgilendi. Baǵa deńgeıi jemiske 3,2, jańa jınalǵan kókóniske - 12,1, kartopqa - 26,1 paıyzǵa joǵarylady. Baǵa ósimi shıki sútke 4,5, et jáne qus etine - 4,2, jumyrtqaǵa - 4, maı jáne tońmaıǵa - 2,8, qantqa - 2,2, irimshik jáne súzbege - 2 paıyzdy qurady.

«Baǵa dızel otynyna 2,6, benzınge - 2,5, qatty otynǵa - 0,8, farmatsevtıka ónimderine, jýǵysh jáne tazalaǵysh quraldarǵa - 0,5, kıim men aıaq kıimge - 0,4, jeke kútimge arnalǵan taýarlarǵa - 0,3 paıyzǵa joǵarylady. Jolaýshylardyń temir jol kóligi qyzmetterine 2,2, shashtarazdar men jeke qyzmet kórsetý oryndaryna - 0,8, poshta, meıramhanalar men qonaq úılerdiń qyzmetterine - 0,6, densaýlyq saqtaý qyzmetterine - 0,5 paıyzǵa qymbattady. Turǵyn úı kommýnaldyq qyzmet kórsetýler salasynda tarıfter ystyq sýǵa 0,9, ortalyqtan jylytý jáne sýyq sýǵa - 1,2, kárizge - 1,7, qoqys jınaýǵa - 4, elektr energııasyna - 6,7 paıyzǵa ósti», - delingen baspasóz habarlamasynda.